13 август – ден на левораките

13-ти август е прогласен за интернационален ден на левораките од страна на здружението Left handers International. Традицијата на одбележување на овој ден започнала на 13 август 1976.

Одбележувањето на овој ден е со цел кревање на свеста кај луѓето за непријатностите со кои се соочуваат левучарите во свет во кој доминираат деснораките, како за и нивното поттиснување низ историјата. Низ вековите левучарите биле изложувани на јавен потсмев и дискриминација, поради банални, па дури и религиозни влијанија. Голем број од Христијаните на пример, верувале дека левучарите се производ на Ѓаволот, додека Муслиманите верувале дека деснораките луѓе се столб на
нивната религија.

Со текот на времето овие предрасуди исчезнале, а левучарите на овој ден ја слават нивната уникатност и различност. Се претпоставува дека 10-15% од вкупното население во светот се левораки.
Неколку интересни факти поврзани со левучарите:
- На светот има повеќе левораки мажи отколку левораки жени, а многу почесто се случува да се родат левораки близнаци.
- Голем процент од луѓето што страдаат од Даунов синдром, дислексија како и други ментални болести се левораки.
- Иако генетиката е одлучна за тоа дали некој ќе биде леворак или деснорак, сепак ова "правило" може и да се заобиколи. На пример, доколку деснорак ја повреди својата десна рака и со тек на време (под
притисок) научи да ја користи левата рака, голема е веројатноста дека и по залекување на повредата човекот ќе продолжи да ја користи својата
лева рака.
- Во поголемиот дел од светот, сообраќајниот тек се одвива од десната страна.
- Во просек, деснаците луѓе живеат 9 години подолго од левучарите.
- Левораките луѓе се повеќе склони кон мигрени, алергии, несоници...
- Кај левораките луѓе веројатноста да станат алкохоличари е 3 пати поголема отколку кај деснораките. Научниците претпоставуваат дека ова е заради тоа што десната хемисфера на мозокот (која што ја употребуваат леваците) е помалку отпорна на алкохол, за разлика од левата хемисфера.
- Повеќето левораки луѓе цртаат фигури насочени кон десно.
- Левораките полесно се приспособуваат за гледање под вода.
- Левораките луѓе влегуваат во пубертет 4-5 месеци подоцна од деснораките.
- 4 од 5 од првичните дизајнери на Macintosh биле левораки.