Откриена формулата за добивка на лото???!

Еден човек од Висконсин кој за себе тврди дека ја пронашол математичката формула со која може да се погоди добитната комбинација, со помош на неговата сопруга пред неколку дена, освоиле џек пот со вкупна вредност од 955.000 долари.

Четири тикети со добитна комбинација биле уплатени на четири различни локации, двете ги уплатил Verlyn Adamson, а другите две неговата сопруга Judith.

Брачниот кој направил голема медиумска прашина, тврди дека ја откриле формулата која може да ги погоди броевите на џек-потот со неверојатна сигурност. Понатаму одбиле да даваат дополнителни коментари. На телефонската секретарка снимиле порака на која се вели дека сите дополнителни прашања треба да ги постават на нивниот адвокат.

Верлин е инаку голем љубител на математички мистерии. Неговиот адвокат изјавил дека тој моментално работи на патентирање на формулата за сигурна добивка. Досегашните износи кои ги подигнал Верлин се непознати.

Со оглед на неверојатното тврдење дека на математички начин може да го предвиди износот на броевите, биле прашани стручни лица.

Професорот Стивен Пост, математичар од колеџот Edgewood во Медисон, смета дека таквата формула е невозможна. Не постои можност за било каква стратегија за пронаоѓање на добитните броеви во игра каде тие се избираат по случаен пат, објаснил Пост.

Според теоријата на веројатност неговиот финален одговор гласел: Доколку сакате да победите, купете ги сите тикети и пополнете си сите можни комбинации.