На 10 септември крај на светот? - Акцелераторот е вклучен, сеуште сме тука! (update)

Во најголемиот светски акцелератор за честички LHC, успешно е завршен првиот голем тест на пуштање сноп од протони во долж 27 километри долгиот кружен тунел на акцелераторот.

Шефицата на овој проект Лин Еванс изјави дека по неколку тестови, се појавиле две точки на екранот од компјутерот, што значи дека протонскиот сноп успеал да ја помине целата должина на тунелот.

Почетокот на експериментот нестрпливо го очекуваа над 9.000 физичари од целиот свет.

„Добро завршена работа луѓе!“, рече генералниот директор на ЦЕРН, Роберт Ајмар, по пуштањето на протонскиот сноп во акцелераторот во 9 часот и 30 минути утринава, под швајцарско-француската граница.

Бидејќи протонскиот сноп е успешно тестиран во правец на стрелките на часовникот, ЦЕРН најави дека планира да пушти сноп и во обратна насока.

Следната фаза, како што е најавено, е да се пушти сноп од веќе забрзаните честички во акцелераторот, каде ќе бидат доведени до брзина значително помала од брзината на светлината.

На крајот сноповите ќе бидат пуштени во двете насоки на кружниот тунел.

Целта на експериментот е симулирање на Големата експлозија, во услови слични на оние кои постоеле милијардити дел од секундата по настанокот на вселената.

Компјутерите ќе регистрираат се што се случува во тие минијатурни верзии на исконските огнени кугли, а околу 10.000 научници ширум светот ќе го анализираат собраниот материјал. Посебни детектори ќе ги набљудуваат милијардите честици настанати по судирот и ќе бележат како се спојуваат, оддалечуваат или просто исчезнуваат.

Научниците посебно ќе се позанимаваат со концептите благодарение на кои и се почнало, како „темната материја“, „темната енергија“ и „Хигсовиот бозон“, хипотетична елементарна честичка за која се смета дека е клуч на мистеријата за тоа како материјата добила маса. Оваа честичка е единствениот уште не откриен дел од т.н Стандарден модел на елементарните честици.

Без маса, ѕвездите и планетите никогаш не би можеле да се обликуваат во еони по Големиот бенг и животот не би започнал ниту на Земјата или, како што веруваат некои научници, и на некои други светови.

На овој проект потрошени се 10 милијарди американски долари, но дури и силната компјутерска сила во ЦЕРН нема капацитет да ги собере сите податоци кои ќе стигнуваат во нив кога ќе почне експериментот.

Во согласност со тоа, научниците на лабораторијата пронашле начин како да се подели товарот од примање информации меѓу десетина компјутерски центри од целиот свет.

На 10-ти септември најголемиот акцелератор на светот, кој се наоѓa на француско - швајцарската граница со седиште во ЧЕРН, би требало да се активира.

Експериментот може да доведе до крај на светот, предупредува собир на научници. Тие дури и по судски пат побараа да се забрани експериментот.

За девет дена, на 10 септември, најголемиот ацелератор на светот, кој се наоѓа на француско-швајцарката граница во седиште на ЧЕРН, би требало да се активира и да созададе црна дупка.

Некои предупредуваат дека таа црна дупка би можела да ја проголта планетата Замја. Акцелераторот ги забрзува честичките до брзина на светлината, а со експериментот сакаат да создатат услови какви што постоеле после созадавање на вселената.




Скептиците предвидуваат дека при овој обид ќе се создадат неколку мали црни дупки. Тие во наредните пет години би можеле да се спојат во една голема црна дупка и да ја проголтаат Земјата.

Сепак, Европскиот Суд за човечки права пред кој што научниците бараат забрана, нема да го стопира експериментот. ЧЕРН ја призна можноста од појава на црни дупки, но сметаат дека нема потреба за страв.

Од центарот пак тврдат дека овој експеримент е клучен за откривање на сите мистерии поврзани со вселената.