Пиволенд 2008

Каде ќе се одржи?
-Четиридневното ужување во пивото ќе се случи на платото пред скопската тврдина. Со капацитет да прими над 300.000 посетители, овој дел од главниот град е едноставно идеален за самит на пивопијци. Прекрасниот поглед на Скопје, мирисот на скара и интернационалниот избор на пиво организаторите ќе се потрудат да станат заштитен знак на Пиволенд.

Кога?
-Од 18. до 21. 09. Штандовите со пиво и храна ќе работат во текот на целиот ден, додека музичката програма започнува во 17 часот, а ќе трае се до раните утрински часови...

Зошто Пиволенд?
-Замислата за слободна пивска територија полека се реализира. Место каде што ќе Ви бидат на дланка (или во кригла) над 30 вида на пиво. Каде што скарата и пивото се во неограничени количини. Зона во која се слуша одлична музика, се скока, се јаде и пие, се ужива...

Како до Пиволенд?
-Лесно! Бесплатно! Пешки или со автомобил. Препорачуваме да ги паркирате вашите возила бидејќи улицата околу калето ќе биде затворена. Влезница нема, но има закон. На Пиволенд се добредојдени сите, но забрането е точење алкохол на малолетници.
Иако нема влезници, влезови ќе има на неколку места. На самата локација ќе има неколку бини на кои што ќе се одржува забавната програма. Ќе бидат поставени шатори во кои без турканици ќе можете да си го земете ладното пиво. Истите ќе бидат искористени при евентуално нарушување на временските услови.

Кој го организира Пиволенд?
-Здружението за развој на културниот туризам “Пиволенд”- Скопје е организација од група на млади професионалци со искуства во организирање на настани од секако вид. Одлично звучеше идејата да се соберат силите и да се работи на еден ваков настан. Екипата зад која стојат редица манифестации ќе се потруди да Ви обезбеди се што Ви е потребно.Вие треба само да се опуштите и ќе ги имате на дофат сите потреби на еден гурман... Првиот Пиволенд е под покровителство на Градот Скопје.

Кој се ќе учествува на Пиволенд?
-Најважните учесници на овој гурмански спектакл се секако пиво-производителите. На Пиволенд ќе се претстават преку 30 брендови од повеќе континенти. Светло, темно, помалку газирано, благо, лесно, безалкохолно... Секаков вид на пиво кое ќе Ви падне на памет. Тука ќе бидат и врвните македонски угостители кои ќе Ви понудат високо квалитетна кујна од секаков вид. Сите на своите места. Подготвени да ги задоволат и најпребирливите вкусови...

Кој се ќе настапува на пиволенд?
-За анимација на посетителите се задолжени над 200 артисти. Пејачи, групи, диџеи, жонглери, маскоти, актери, акробати...
На неколкуте сцени и низ целата локација ќе настапат уметници од секаков жанр, за сечиј вкус. Четиридневната програма опфаќа и звучни имиња како хрватските шоу мајстори Лет 3, босанскиот претставник на евровизија Лака, нашите Паркети, култниот Влада Дивљан, разиграните Уикеда многу, многу други...