Стартува „Пиво ленд“

by **ast3rix** Чет Сеп 18, 2008 3:57 pm

Влада Дивљан, поранешниот фронтмен на „Идоли“, Канго и Александра Пилева вечерва ќе настапат на скопско Кале на отварањето на манифестацијата „Пиво ленд“.

На фестивалот кој се одржува под покровителство на Град Скопје и ќе трае до 21 септември, потврдени се настапите на хрватскиот бенд „Лет 3“, босанскиот евровизиски претставник Лака, етно - составот „Баклава“, популарниот џез - музичар Тони Китановски со „Черкези“, оркестарот „Агушеви“, „Културно уметнички работници“, Паркети“ и уште неколку помалку афирмирани групи. Секоја вечер ќе финишира со настапи на познати домашни диџеи.

На манифестацијата која е поддржана од „Литиум рекордс“, „Уан веј“ и „Пивара Скопје“, предвидено е учество на речиси сите популарни пивски брендови од регионов и пошироко, а педесетина ресторани ќе ја промовираат македонската кујна.

Комплетната програма и сите детали за ивентот ги имате на сајтот pivolend.com.mk