Prodigy го најави својот нов албум

“Invaders must die” е петтиот студиски албум на Продиџи кој е планиран да излезе во продажба на 2-ри март наредната година во издание на дискографската куќа Кукинг Винил

Новиот албум на Продиџи ќе ги потсети љубителите на клубската музика дека на сцена повторно доаѓа бендот што во 90-тите ги испорача хитовите Outer Space, Everybody in the place, Charley says, Firestarter и Smack my Bitch Up, кои и дадоа сосема нова димензија на денс музиката вметнувајќи во неа панк и рок елементи.

Колку беше успешна оваа комбинација докажаа нивните манијакално посетени концерти и цифрата од 16 милиони продадени носачи на звук.

Дополнителен зачин на излегувањето на новиот албум му дава фактот дека, Продиџи по единаесет годишна пауза од албумот Fat of the Land се повторно во полн креативен состав односно со Liam Howlet, Keith Flint I Maxim, a како специјален гостин на ова издание ќе се појави и Dave Grohl од Foo Fighters.