Nokia XpressMusic 5320 и 5220

by **ast3rix** Сре Апр 23, 2008 1:03 pm

Nokia официјално објави два нови музички ориентирани модели
од XpressMusic серијата: Nokia 5320 кој е S60 Symbian смартфон и Nokia
5220 кој е базиран на S40 корисничкиот интерфејс.

Nokia 5320 XpressMusic е 3G/HSDPA паметен телефон кој
е музички ориентиран уред. Има стерео Bluetooth (A2DP), стерео ФМ радио
и 3.5 милиметарски стандарден аудио приклучок. Nokia соопшти дека има и
посебен аудио чип за подобар аудио квалитет (кој по обичај е слабост
кај моделите на Nokia).

Nokia 5320 XpressMusic има 2 мегапикселна камера (без автоматски фокус)
и TFT дисплеј со големина од 2 инчи и QVGA резолуција кој прикажува 16М
бои, а на пазарот ќе биде достапна од третот квартал годинава во две
комбинации на бои: црно/сина и црно/црвена, по препорачана цена од
околу 220 евра.

Nokia XpressMusic 5320 и 5220 Nokia5230

Nokia 5220 XpressMusic има дебелина од само 10,5
милиметри, стерео ФМ радио со RDS, стерео Bluetooth (A2DP), 3.5
милиметарски аудио приклучок и слот за microSD мемориска картичка.
Камерата е со резолуција од 2 мегапиксели, дисплејот е со големина од 2
инчи и приказ на 262К бои.

Nokia 5220 XpressMusic ќе се појави од третиот квартал годинава по препорачана цена од околу 160 евра.