Вакцина за пушачите

Институтот Каролинска во Стокхолм разви вакцина што би требало луѓето да ги одвикне од пушење.

Со помош на средството наречено “Ниццин“, човековиот имунолошки систем би требало да развие антитела против никотинот и со тоа да го спречи неговото навлегување во мозокот. Со тоа би се оневозможило создавање на чувството на пријатност во мозокот предизвикано со консумирање на никотинот.

Шведските научници имаат намера да ја испробаат вакцината на 400 луѓе, што би требало да потрае околу една година.

Дневните весници во Стокхолм дознаваат дека во светот се започнати најмалку три проекти за развој на вакцина против пушењето. Дали некој ќе биде успешен, зависи од тоа колку средството ќе биде во состојба да го “натера“ организмот на човекот да развие антитела за малите молекули на никотинот.