Тоалетна мотивација - Кењај за пари!!!

Откако властите во Индија и покрај воведувањето казни ја изгубија битката со луѓето кои вршат нужда каде стигнат, воведоа нова тактика за да ја подобрат хигиената - ќе му платат на секој кој во зорт ќе користи јавен тоалет.

Минатиот месец, чуварите на јавниот ред и мир во градот Мусириј, во индиската држава Тамил Наду, го засилија надзорот над јавното мокрење и почнаа да наплатуваат казни, но бидејќи мерката се покажа безуспешна одлучија да применат поинаква тактика – да му платат на секој човек кој ќе се одлучи да ги користи јавните тоалети.

Во Индија луѓето без проблем запираат на улица или во некој агол за да извршат нужда. Улиците почнале толку многу да смрдат што минувачите морале да користат шамивчиња и заштитни маски за да го преживеат минувањето по тие места.

Сега, десетици луѓе се туркаат во редовите пред тоалетите, а градските власти успеваат улиците да ги одржат чисти.