Емо и готик во илегала!!!

by **ast3rix** Саб Jул 26, 2008 2:37 am

Владата на Русија активно работи на воведување нов закон, чија цел ќе биде заштита на руските тинејџери од депресијата на музичките движења познати како емо и готик, кои се етикетирани како “опасни тинејџерски трендови”.

Наскоро, на сите оние млади Руси кои го следат препознатливиот мрачен стил на облекување, ќе им биде забранет влезот во училиштата и владините објекти. Законот предвидува и строг надзор над сите руски емо и готик интернет сајтови.

Еден од авторите на новиот закон, Игор Понкин, емо младината ја нарекува “општествена опасност и закана за државната стабилност”. Тој вели дека владината рестрикција е реакција на зголемениот број депресивни однесувања и самоубиства во редовите на емо следбениците.

Пресуден бил случајот со трагичната смрт на британската тинејџерка, Хана Бонд (на фотографијата), која наводно се обесила откако станала опседната од американскиот бенд, Мај Кемикал Романс. Британските медиуми тврдеа дека таа си ги сечела вените во знак на иницијација во емо движењето.

”Овој вид на однесување е значаен дел од идеологијата на емо движењето. Се разбира дека постојат тинејџери кои само ја слушаат таквата музика. Нашите мерки се директно насочени само против оние кои имаат намера да се повредат себеси и кои пропагираат такви чинови”, изјавил Понкин.