Противпожарни цигари

Од 2011-та година, сите цигари кои ќе се продаваат во земјите членки на Европската Унија ќе мора да имаат противпожарен додаток, кој ќе помага цигарата автоматски да се изгасне, доколку во рок од една минута никој не ја пуши.

Портпаролот на Европската Комисија смета дека ќе бидат потребни 2 до 3 години пред самогаснечките цигари да се најдат на европскиот пазар. Воедно, ја отфрли можноста тутунските компании да ја зголемат цената на новите и побезбедни цигари.

Ефектот со гаснење на цигарите ќе се добие со тоа што тутунот ќе биде обвиткан со дополнителни 2-3 слоеви, кои ќе го успоруваат процесот на горење а потоа по 60 секунди ќе ја изгаснат цигарата.

Податоците од 16 европски земји покажуваат дека невнимателната употреба на цигари, како што е пушењето во кревет, во периодот од 2005-та до 2007-ма година предизвикала 11.000 пожари годишно, убивајќи 520 и повредувајќи 1.600 лица.