Германец одбил да земе два милиони фунти добиени на лотарија

Германец кој што добил на лотарија два милиони фунти одбил да ги земе бидејќи не знаел што да прави со добиените пари.

70 – годишен маж од Хелмен, Германија од кога дознал дека има добиено огромна сума на пари, на вработените од лотаријата им изјавил дека нема да ги земе парите.

“Што да правам јас со толку пари? Жена ми е почината, исто така и родителите, немам деца, а ни некои блиски да ги подарам. Затоа не ги сакам парите“, изјавил добитникот на двата милиони фунти. Тој додал дека го купил ливчето бидејќи неговата жена била опседната од игрите на среќа.

Директорите на лотаријата се обиделе да го убедат добитникот, но тој сепак не ги зел парите.