Ред Бул наместо крила, гратис инфаркт!!!

Според резултатите на истражувањата кои ги направил Кардиоваскуларниот истражувачки центар на Кралската болница во Аделаида, само една лименка од популарниот енергетски напиток, Ред Бул, може да го зголеми ризикот од срцев удар, дури и кај младите и здрави луѓе.

Напитокот кој е со зголемено количество на кофеин е популарен кај студентите и приврзаниците на адреналинските спортови поради тоа што, го прикрива заморот и го лаже организмот. Но исто така тој кофеински напиток ја прави крвта “леплива“, што е предзнак за кардиоваскуларни проблеми или срцев удар.

“Еден час откако ќе го испијат Ред Бул нивниот крвоток не е нормален. Се однесува исто како болен со кардиоваскуларни проблеми“. Рекол Скот Вилоугби, спроведувач на истражувањата, кои се направени на 30 млади луѓе. Научниците ги тестирале нивните крвотоци пред и по консумирањето на една лименка Ред Бул, без шеќер.