Кравите ни ја кројат судбината

Една крава годишно произведува исто количество штетни гасови, колку автомобил што поминал 25.000 километри. Кравите со преживање произведуваат метан, кој е 23 пати поштетен од јаглерод диоксид.

Овие животни се значајни во исхраната на човекот, поради нивната способност со преживање тревата ја претвораат во белковини и енергија. Но, на истиот начин во желудникот се создава и метан, една крава дневно издишува 400 грама од тој штетен гас. Научниците сега се обидуваат да ја намалат емисијата на метан.

Во лабораторијата на универзитетот Вагенинген во Холандија, направените тестови покажале дека со додавање на кромид во мешаната храна, може да се намали емисијата на метан и за 90 отсто. Надвор од лабораторијата постигнато е само 15 отсто.

Не треба да загрижува податокот дека на хранетите крави со кромид, млекото ќе има мирис или вкус на кромид. Тоа било проверено со лабораториски тестови. Освен тоа кравите што вака се хранеле произведувале повеќе млеко.

Во секој случај жителите на Холандија се чувствуваат подготвени доколку Европската Унија наскоро воведе ограничување на метанот за кравите.