Ферарито преполовено, возачот полесно повреден

Еден возач на Ферари од градот Аделаида во Австралија, со голема брзина удрил во електричен столб и го преполовил автомобилот. За среќа, никој не настрадал.

Момчето позади воланот на својот 100.000 фунти вреден автомобил, возејќи пребрзо низ улиците на Аделаида, Автралија изгубило контрола над автомобилот и удрило во електричен столб.

Од пресилниот удар, автомобилот буквално го ’гушнал’ столбот. За среќа возачот и неговиот сопатник се само полесно повредни.

Ферари 360 Модена, стар пет години, удрил во столбот само неколку минути откако околните жителите го виделе како ’пролетал’ покрај нивните куќи.

Никогаш не сум видел нешто да пролета со толкава брзина. Лицата кои беа во автомобилот се навистина големи среќници, затоа што столбот буквално го преполови автомобилот.“-изјавил еден очевидец.

Неидентификуваниот возач и неговиот сопатник биле пренесени во болницата ’Royal Adelaida’, но нивните повреди не биле големи.