YouTube 16:9 (widescreen)

Доволно е да ги видите новите монитори и телевизори и веднаш ви е јасно дека широкиот формат (widescreen) го презема приматот над стариот, стандарден формат. На ваквиот тренд се приклучи и најпопуларниот видео сервис во светот.

Широк видео формат, или на англиски widescreen оној чиј размер на хоризонталните и вертикалните страници е 16:9 или евентуално 16:10, додека традиционалниот размер 4:3 се повеќе излегува од употреба.

Се разбира поголемиот дел од видео клиповите на ЈуТјуб се во стариот формат, па во новиот плеер отстрана ќе има црн празен простор. Но, во ЈуТјуб сметаат (што веројатно е и исправно) дека ова е мала цена која треба да се плати додека корисниците не се навикнат на новиот формат, откако ќе почнат поголем дел од новите видео клипови да ги аплоудираат во широк формат.

Освен овие промени, во ЈуТјуб малку го зашминкаа и плеерот, но поголеми промени во функционалноста нема.