Мис на светот 2008 - Русинка!

Русинката Ксенија Сухинова (21) вчера во Јоханесбург ја освоила титулата за Мис на светот за 2008 година. Таа победила 108 девојки.

Нејзината прва придружничка е Индијката Parvathay Omanakuttan (21), додека втора придружничка е Gabriel Walcott (23) од Тринидад и Тобаго.

Девојките допатувале во Јужноафриканската Република кон средината на минатиот месец со цел да се запознаат меѓусебно, а за цело време организаторите им спремиле разна програма.

Пред прогласување на резултатите, девојките во доба од 17 до 25 години продефилирале на пистата облечени во халини дизајнирани од јужноафрикански и јамајкански модни креатори.

Организаторите процениле дека овој натпревар ќе биде гледан од повеќе од две милијарди гледачи во повеќе од 180 земји ширум светот.